نش حمام الحيطه

هنتكلم عن نش الحيطه .... ونبدا بتعريفه ...

نش الحيطه عباره عن مصاطب او ببان بتكون على لحمية السطح بدون داير ...

او غرفه مجرد ببان فقط ......

ويفضل فى مبتداء الامر عندما نبداء بشراء زغليل بتكون صغيره لاتستطيع الرفع....

ويفضل ايضا ان تكون فى مصطبه واحده.....

وتحت باب المصطبه بيكون فيه رف من 30 /50 سم ليقف عليه الزغاليل ....

ويوضع على هذا الرف مكلف ومسقه ..وبتفتح على الزغاليل فى وقت تواجدك معهم ...

كالمعتاد عند اى دشار...

يبداء الزغلول بالخروج من المصطبه للكلف او الشرب من على الرف ويرجع الى المصطبه ..

وسنه لايسمح له بالرفع.... لحين تماسك اكتافه وبعدها ..واثناء تجويع الزغاليل ....

بنلرمى كلفه على لحمية السطح... لنزول الزغاليل الى ارضية السطح....

ونرجع تانى ونرمى كلفه فى المكلف على الرف لتعويد الزغلول الهبوط والصعود من والى المصطبه...

ودى مرحله مهمه ... بعدها الزغاليل لوحدها بتبداء تتنقل مره فوق الببان ومره على السور ..

ومره على الاسطح المجاوره دون التدخل من الغاوى وفى هذه المرحله لاتعتبر هذه الاماكن مراكن

وطبعا الزغاليل بتكون جعانه .. علشان ان زغلول اتنطر هنا ولا هنا نعرف نلاعبه بالكلفه...

وبعد هذه المرحله وهى تثبيت الزغاليل على المصطبه وبعدها على لحمية السطح وبعدها استكشاف

المكان من الاسطح المجاوره يعن تقريبا قبل الا سبوعين بيكون الزغلول حفظ الكلام ده ...

ابداء انكش الزغاليل وليس اكثر من نكش... نغزه صغير مثلا بعا وابعد عن وجه الحمام وانا مراقب

دائم لحمامى اثناء الدشار ..وطبعا يستحسن فى اى دشار عدى الحمام الكبير ان يكون صباحا

ومبكرااا.... وميعاد محدد للفتح عليهم وميعاد اخر للكلفه ...والماء امامهم باستمرار...

وبعد النكش لمدة اسبو ع او حسب ما يرى الغاوى من حمامه .. لانهم ممكن يطلعوا لوحدهم قبل او

بعد الاسبوع بيبداء الزغاليل تقوم لوحدها مره لفه ومره لفتين وطبعا بيكونوا متفرطين .....

ومع نكش الغاوى وامكانيات زغاليلوا يبداء الحمام يلم نفسه فى المطار ....

ويمسكو بعض يبداء الغاوى فى الهش فيهم ... وعند محطهم براحتهم دون قرص من الغاوى..

نتركهم للمحط..ولو كانوا اخدو لفه واحده وكل يوم نزود عليهم عدد اللفات ...

وطبعا ثابتين على مواعيد الكلفه ومواعيد الفتح عليهم...

بعد بدايه لف الحمام وتماسكه بيكون الحمام بيفك ريش....

اطير الحمام لفتره وليكن ساعه وعند نزوله احبسه ... ويستحسن فى الاول يكون الصبح طبعا ..

ونبداء نشتغل معاه زيه زى العرقه او حمام الغيه يعنى ..

اما طاير فى السماء واما محبس فى الببان....

وكذلك عند كشف الدكور والنتى .. يتم حجز النتى عنهم ....

وبكده بيكون عندك اوله لايستطيع غاوى عرقه ان يمس لك دكر مهما حاول معاه ...